Sunday, December 15, 2013

阿爸阿姆个身教
從細屋家个身教

回想己家生涯,除了受醫界前身教影響盡深以外,阿爸阿姆勤勞个身教最重要。(ngai)(mo)才能,不過一生盡認真勤勞,到今還繼續煞猛打拼。阿爸係小鎮開業醫生﹐該時代地方醫師,住家(lautung)診所共下﹐不分晝夜週末。雖係醫生家庭出身﹐屋家從來豐足過。附近阿爸阿姆兩邊親戚盡多,愛靠阿爸騰手家人又多,像其他醫生屋家有鋼琴或奢侈品﹐盡少去餐館吃飯。從細就養成勤勞節儉習慣﹐哩係阿爸阿姆身教。從細到今,就係已經退休,還共樣受哩身教影響,希望子女也共樣繼續下去。
從細(dak;每)年冬天愛到鎮郊外,因為天冷不能種禾田騰手種菜。讀大學寒暑假轉屋家,常還愛去離屋家五、六公里外果園做工。屋家任何雜工也共樣。還盡記得有一擺騰手泥水師傅﹐路過人還泥水師傅講﹐「你知你哩細工係以後台大醫學院畢業大醫師」。雖然無佇(du;在)阿爸診所騰手過﹐但幾年耳孔聽到目珠看到﹐阿爸對行醫身教一定留下盡多个影響

身教用到求學、受訓職業上

以後不管讀書、研究、教學、看病人、寫文章或其他工作,一向用阿爸阿姆身教个「勤能補拙」。小學生、中學生時全勤,大學生時可能也請過假。(ka)後生時,實驗室做研究,常常做到暗晡頭,有時到半夜。做住院醫師,有兜醫師常常請病假,5年住院醫師,請過个病假,全部加起來,超過幾日。受訓時認真工作,想來係阿爸阿姆台灣教授个身教影響。
從細阿爸阿姆个「勤能補拙」身教外,以後到美國个各種訓練工作,又學習到美國教授對文獻數據个注重,要求增進己家个知識基礎,也訓練或感染佢兜有評判性个思考方式。
實驗室研究難有進展,最主要係己家天份差,雖盡煞猛工作,到尾只能寫兜小論文,不能有成就。个研究其實一點創意也,講起來不過只為昇等來做來寫个論文,終難有好東西,放棄實驗室研究。以後繼續學術醫學界做臨床工作教學,參加醫學中心个研究計畫,主任講因為醫院人手騰做。

台灣醫界客家个歷史文化

實在講,可能已經係老油條,以前寫論文比別人多盡多,又早早昇等到有終身職(tenure),唔驚寫論文學校醫院會開除。用以前實驗室做研究个精力,改做探討台灣歷史文化,尤其有關台灣醫界客家有關个題材。同鄉、朋友或同學常笑講个專科已經係「台灣科」,唔係小兒科或血液科。
己家个生涯,在學術性个醫學研究尤其實驗室研究,成就,不過可能係「塞翁失馬」或「失之東隅收之桑榆」。對台灣个歷史文化、台灣醫界人文客家有關个課題反深入探討,己家也認為有收獲。探討醫學人文或歷史文化,尋文獻愛認真,評判性个思考也共樣重要。就像一向從事个學術醫學,共樣認真去尋文獻尤其尋原始文獻,多多思考。不管係醫學或歷史文化,道理共樣。
幾擺雜誌編輯、讀者或演講个聽眾,講尋文獻个程度「嘆為觀止」,或有特別功能,麼个,勤勞tin-tin(而已)。尋文獻愛下功夫愛勤勞,email普遍个時代,用手寫寄去或傳真去各地个信可能上千封以上。以後用email寫得又加多,想想最主要係來自阿爸阿姆師長个勤勞身教。
身教影響个係故事
用一細故事來談個人受阿爸身教个影響,幾十年後正明顯表現出來。幾年前去參加在舊金山舉辦个校友會,聽韓良誠教授講一病例。佢講一庄下人有貧血,尋唔到原因,胃鏡檢查看到潰瘍或任何可懷疑會出血个病變。再去尋另外一醫生,又講愛安排再一擺个胃鏡檢查,當病人問醫生有必要再做一擺時,該醫生還態度盡壞病人講「你到底愛唔愛命」。後來病人尋韓醫師,佢只問病史、身體檢查大便檢查,就診斷出來係鉤蟲病引起个貧血。
當韓教授報告哩病例還(mang)講忒,猜(ton到診斷。頂高講到對阿爸个診所從來騰手過,有擺轉屋家經過阿爸个診所,阿爸喊看顯微鏡。一看就知道有盡多蟲卵,鉤蟲个蟲卵。阿爸講麼个,指看該病人,講係該病人个大便。該病人面色有兜白,想來有貧血,該時代小鎮根本檢驗所。聽韓醫師報告時,突然間約四十零年前个事情出現个腦中,哩四十零年前个身教,因為己家生涯,四十零年後正出現。
看過宋瑞樓韓良誠兩教授文章或自傳,提到佢兜个父親看病人唔係靠儀器檢查或實驗室檢驗,愛靠病人。盡記得宋教授從前上課迴診時,一再強調問肚子痛時,愛問清楚,檢查身體也愛詳細,唔係教學生做各種檢驗或檢查,愛多問病史身體檢查,佢兜講哩兜多少係源自父親个身教,也共樣。

結語


一生主要做小兒科醫生,各種訓練、行醫、研究或教學中,訓練出尋文獻評判性思考个功夫,以後就用來對歷史文化探討。一向「逆來順受」,退休後反會想己家个生涯。身教對生涯扮重要个角色,阿爸阿姆良師典範多,應該感謝父母親所有良師个教導。

1 comment:

  1. 不得了,原來還有這麼多文章,沒有拜讀過。

    ReplyDelete